هـــــأم لــــــرواد الرياضه

[oOoمصرقعoOo]

.. السلام عليكم ..



الموضوع نزلته كذا للاهميه فقط
هلا بالزقرت :x1:

<<--------- قلنا داخل القسم الرياضي اوكي .. بس مهوب معناته استراحه وطائرة في رمضان [فقط الأعضاء المسجلين والمفعلين يمكنهم رؤية الوصلات] !!


اليوم ودي نبلغكم شي انا واخواني مشرفين القسم الرياضي ..

وهي ملاحظة لاحظناهـ من فترة طويلة وازعجتنا بصراحه ..

خصوصاً في الروابط الرياضية ..

يعني للأسف ما زال ينقصنا فهم معنى رابطة بالمعنى الصحيح ..!!

نلاحظ ان كثير من الاعضاء يمكن اكبر همهم يحطون خبر وبعدهـ بشوي يحط خبر ثاني .. وتروح الصفحة كلها اخبار عن نفس النادي وفي نفس اليوم .. والنهاية الهدف تزويد المشاركات لا اكثر ولا اقل !!


يا جماعة الموضوع (( بشكل ودي )) .. ودي انكم تغيرون المفهوم هذا واللي للأسف منتشر من رواد القسم الرياضي اكثر من غيرهـ ..

وش انت خسران اذا حطيت الاخبار اللي عندك في رد واحد ؟!!

عشان انا كعضو لما اجي واقرا الاخبار اللي انت منزلها يمديني اناقشك فيها ونسولف عنها ..

الروابط بشكل عام مالها طعم بالشكل هذا .. وهذا اللي يردني انا والكثير عن اننا نشارك فيها بشكل فعال ..

الشغلة الثانية .. وهي الاختصار في الخبر .. وكتابة الخبر بأسلوبك انت كعضو .. مش نسخ ولصق !!

مثال / خبر طويل عريض مفادة اصابة ميسي وان الاصابة راح تمنعه عن المشاركة لمدة شهرين ..

وش انت خسران اذا قلت ان ميسي مصاب ومهوب طاقها شهرين وتحط المصدر إن كان الخبر للأندية العالمية ؟

أحسن وبأسلوبك واختصرت علينا قراءة الأخبار اللي نقراها في الجرايد بشكل رسمي ..

ولا اذا انا بدخل وبقرا كلامك نسخ لصق اروح للجرايد في النت واقراها احسن لي وأشمل ..



النقطة الثانية اللي حبينا نكلمكم عنها اللي هي الردود أبو سطر سطرين ..

انا اقول هالشي لأننا في القسم الرياضي .. والرياضة حلاتها بالنقاش والذب والضحك والتعصب "المنطقي" يعني جو اخوي ممتع ..

مهوب مشكور على الموضوع وامش .. على كذا نقدر نعبي القسم ردود ونخليه أكثر قسم كتفاعل .. صح ولا لأ ؟


النقطة الثالثة وخصوصاً في هالقسم .. خفو علينا بالمواضيع المنقولة تراها غير محببه :) ..

المشكلة مواضيع كثير ادخل واقراها اللي كاتب لي عن زيدان واللي كاتب لي عن الثنيان وغيرهم كثير ومدح فيهم والنهاية الموضوع منقول .. وياليتهم يقولون منقول :) ..

يعني حاولو تخففونها شوي وان خليتوها احسن .. مهوب عشاننا نتغاضى عن بعض الأمور يعني اننا ماندري انها منقوله :) ..


النقطة الرابعة .. وهي تخص التعصب .. وخصوصاً في الكافية الرياضي ..

اوكي ما يمنع ان الهلال خسران من نجران اني اذب عليك واضحك عليهم [فقط الأعضاء المسجلين والمفعلين يمكنهم رؤية الوصلات] ..

لكن القصد ان التعصب ما يطلع عن المنطق والإحترام .. نمزح مع بعض نذب على بعض .. بس ما توصل اننا ناخذ الأمور بحزازية ونكبرها .. راس مالها كورهـ ولا يا شباب ؟!!

وبهذهـ المناسبة احب ابارك لجمهور الهلال خروجهم من البطولة الآسيوية [فقط الأعضاء المسجلين والمفعلين يمكنهم رؤية الوصلات] <<< مثال حي للمشرف المتعصب [فقط الأعضاء المسجلين والمفعلين يمكنهم رؤية الوصلات] !!

وسعو صدوركم اضحكو وناقشو .. لأن هذي حلاة الكورهـ وهذ1 هو الهدف الأساسي من القسم ولا ما كان سويناهـ .. لأن لو اننا مسوينه عشان المواضيع المنقوله وردود شكراً لك .. واخبار نسخ لصق في سبع ردود .. كان ما سويناهـ ورحنا للمواقع الرياضية اللي معبيه النت ..

حنا نبي آرائكم انتم ومواضيعكم انتم وذبكم انتم ونقاشكم انتم .. مانبي نسخ ولصق وشكراً لك ..


الكلام اللي في الموضوع مهوب قانون .. لكن طلب خاص بشكل ودي مننا لرواد الاقسام الرياضية :glb: ..




عوافي الجميع ..



[SIZE=5]..[/...]

[تـــ ع ـــبت آشـــ ت ـــاق]

والله إنك صادق
يسلمو خيو
مشكوووور

[شخط]

يامصرٍِقع


بس متى صرت مشّرف الله يرجك وقسّم قلت ماشاء الله يستاهل هالورع


وياليت يتفهمون الموضوع بحذافيره ويمشون على نهج التحاليل الرياضيه


وعلى فكره مانت بمغصوب انك ترد بيسلمو وويعطيك العافيه

اذا مانت برايق ترد ياخي تعال بوقت ثاني ودردش على راحتك وحلل


عوافي يابطل

[عاشقة الكيان الهلالي]

اقوووووول يا الاخوو ...

الظاهر انك لاااطش الموضوع من احد ماا مشرف في منتدى اخر ولصقته هنا هع هع ..

واناا كني كني قريته في منتدى ثاااااااااني كفشتك .. يعني النسخ والصق فيك فيك ههههههههه
<< نااويه حرش

يلااا ابي اعتبر انك كااتب الموضووووع .. وبرد عليك هههههه<< ياا الحروووووووووش

اليوم ودي نبلغكم شي انا واخواني مشرفين القسم الرياضي ..
هذاا بداايت الكذب .. من متى صرت مشرف يااولد مب عليناا انت توووك ساكن فيذاا
نلاحظ ان كثير من الاعضاء يمكن اكبر همهم يحطون خبر وبعدهـ بشوي يحط خبر ثاني .. وتروح الصفحة كلها اخبار عن نفس النادي وفي نفس اليوم .. والنهاية الهدف تزويد المشاركات لا اكثر ولا اقل !!
اولا" انااا من ضمن اللي نزل اخبااار بس مب عن ناادي واحد .. ومانزلته مثل ماقلت في هدف تكثير مشاركات .. بلعكس انا قريت الخبر في ((موقع رسمي )) وحط تحت رسمي خطين وحبيت انقله لكم
علشانه خبر يستاهل التنزيل .. وإذا كنت ناويه اكثر مشاركااتي الله يخلي لي الاستراحه والعيااره ولو بغيت اوصلهاا خمس ميه وصلتهاا وانا هنااك مب بريااضه .. وانت اسمحلي اقول ينطبق عليك مثال
(( كلن يرا الناس بعين طبعه )) ولحضه .. ممكن تجيب لي موضوع مفيد نزلته علشان اناقشك فيه. يووم مااسك علينا نزلو مواضيع من انفسكم وبسلوبكم با الله عليك كيف ابكتب خبر من موقع رسمي بسلوبي
مثلا اصدر الاتحاد الدولي تصنيف منتخبات العالم .. تقدر تنزل ها الخبر بسلوبك ..؟؟ إذا كنت تقدر قولي كيف .. ؟؟ وان قدرت بتسويها نفس اسلوب الاتحاد الدولي (( فيفا))
والرياضة حلاتها بالنقاش والذب والضحك والتعصب "المنطقي" يعني جو اخوي ممتع ..

مهوب مشكور على الموضوع وامش .. على كذا نقدر نعبي القسم ردود ونخليه أكثر قسم كتفاعل .. صح ولا لأ ؟
اولا" الضحك مب برياضه .. والتعصب موجود بس مب طاقي على الريااضيه يعني مب كل المشجعين متعصبين ..
وهو حلووو انك تنااقش برياضه بس بضحك والاستهزا والهسترا معتقد انه نقاش

وبهذهـ المناسبة احب ابارك لجمهور الهلال خروجهم من البطولة الآسيوية <<< مثال حي للمشرف المتعصب !!
هههههههههههههههههههههههههههههههههههههههههههههههههه
تو الناس على المبااركه ويا اولد للحين ماخذن انك مشرف .. هذا دليل قاااااااااطع انه موضوع منقوول ..


مشكووور على النقل هع هع